A Fundación Cidade da Cultura de Galicia convoca a quinta edición dos premios Emprende Gaiás-Sixto Seco, concurso de ideas e proxectos innovadores co que dar apoio aos emprendedores e dinamizar as industrias culturais de Galicia, que nesta edición conta de novo coa colaboración do Igape e patrocinio de Afundación.
O secretario xeral de Cultura, Anxo Lorenzo, salientou esta mañá a necesidade de promover a creación contemporánea e de abrir espazos para a experimentación artística e o fíxoo na inauguración de ‘A través dun horizonte sen corpo’, o proxecto de Fredy Solano (El Salvador, 1992) que resultou gañador o ano pasado no Certame de Intervencións Artísticas nas Torres Hejduk, convocatoria á que se poden presentar os participantes no Encontro de Artistas Novos ‘Cidade da Cultura’.
O conselleiro de Cultura, Educación e Ordenación Universitaria, Román Rodríguez González, deu esta mañá a benvida aos 40 seleccionados para participar no VII Encontro de Artistas Novos Cidade da Cultura de Galicia (EAN_VII), todos eles creadores emerxentes chegados ao Gaiás desde diferentes puntos de Galicia, do resto do España e tamén de América Latina, grazas a unha colaboración co Goberno de Arxentina, que ofertou unha bolsa a tres deles.
A Cidade da Cultura de Galicia será de novo escenario, os días 6 e 7 de setembro, de parte dos Encontros do WOS Festival que este certame de cultura urbana e vangardista celebra en espazos emblemáticos de Santiago de Compostela.
A Cidade da Cultura de Galicia convida os máis pequenos e pequenas a subir ao Gaiás todos os sábados de setembro para sacar fóra o grande artista que levan dentro. Será grazas ao programa creativo Findes na Balea, que volve á programación do Museo Gaiás para que nenos e nenas experimenten coa súa faciana creativa a través das exposicións que acolle na actualidade: Da árbore á cadeira e Flor Novoneyra.
Páxinas
- « primeira
- ‹ anterior
- …
- 141
- 142
- 143
- 144
- 145
- 146
- 147
- 148
- 149
- …
- seguinte ›
- última »