Galiverso é unha iniciativa da Xunta de Galicia que emprega as tecnoloxías inmersivas e de realidade virtual co obxectivo de amosar o noso patrimonio material e inmaterial (artístico, industrial, arquitectónico, natural, etc.) dun xeito diferente.
Sen saír da Cidade da Cultura, podedes subir no batiscafo virtual e explorar os fondos os fondos mariños da costa galega no Galiverso somerxido, ou viaxar ao pasado e camiñar polas rúas do vello Portomarín tal como eran antes de que a antiga vila fose anegada pola construción do encoro de Belesar.
Para acceder ao Galiverso é necesario ter como mínimo 8 anos de idade* e reservar praza, de balde, no Museo Centro Gaiás ou a través de Ataquilla. A sala do Galiverso está aberta na Cidade da Cultura de martes a venres en horario de tarde de 16.00 a 20.00 horas, así como sábados, domingos e festivos (excepto luns), de 11.00 a 14.30 e de 16.00 a 20.00 horas. O acceso péchase media hora antes (14.00h pola mañá e 19.30h pola tarde).
*O 'Galiverso de Nadal' é accesible a partir dos 6 anos de idade. As nenas e nenos menores de 12 anos de idade deben estar estar acompañados/as durante a experiencia dunha persoa adulta responsable.
Queres saber máis sobre o Galiverso? Preme sobre cada imaxe!
