Esta exposición fotográfica itinerante da Federación Galega de Redeiras Artesás 'O Peirao' conta co apoio da Secretaría Xeral de Igualdade da Xunta e procura pór valor o papel das mulleres nun dos máis antigos oficios mariñeiros: a arte da reparación e da fabricación de redes.

O obxectivo desta exposición itinerante, comisariada pola fotógrafa Xela Rodríguez, é darlle visibilidade e recoñecer a contribución ao desenvolvemento e sustentabilidade do colectivo de redeiras galegas, a través dunha mostra fotográfica que fai un percorrido polos procesos artesanais do seu oficio.

Como todos os anos, O Arquivo de Galicia preparou unha nova edición da serie Mulleres Sobranceiras para celebrar o Día da Muller.

Neste ano que se cumpre o 200 aniversario do nacemento de Concepción Arenal, o Arquivo de Galicia quere renderlle homenaxe dedicando a exposición ao tema da educación, un asunto do que a ilustre xurista se ocupou en múltiples publicacións en defensa dos dereitos que as mulleres carecían.

Polo Día da Muller as visitas comentadas das 17.30 horas do 8 ao 13 de marzo estarán focalizadas nas mulleres protagonistas da exposición Galicia, un relato no mundo, como A Santa de Francisco Asorey, a escritoria Exeria ou a artista La Bella Otero.

Galicia, un relato no mundo explora a interacción entre o territorio histórico galego e o resto do mundo nun percorrido que nos leva desde a prehistoria ata a actualidade. Concibida como a primeira de tres grandes exposicións da Xunta con motivo do Xacobeo 2021, céntrase nas relacións internacionais de Galicia e a súa presenza no mundo.