A Consellería de Cultura, Lingua e Xuventude vén de anunciar os concertos que forman a segunda edición de Ópticas contemporáneas, ciclo que nesta ocasión explora a diversidade das composicións actuais e a súa relación coa antropoloxía, a historia e a música clásica. Serán tres actuacións a celebrar nas tardes do domingo 15 de setembro, o venres 18 de outubro e o sábado 16 de novembro no Museo Centro Gaiás.
A artista Bewis de la Rosa, impulsora do rap rural, e o dúo galego ALARIDO subirán esta semana ao escenario de Atardecer no Gaiás. O ciclo de concertos ao aire libre, impulsado pola Consellería de Lingua, Cultura e Xuventude a través da Cidade da Cultura, continúa este xoves e venres con dúas propostas multifacéticas, innovadoras e descaradas para bailar coa posta do sol. Os concertos serán ás 21,00 horas na Praza central da Cidade da Cultura, con entrada libre e gratuíta.
A exposición Unha vida viquinga recibiu preto de 15.000 visitas no primeiro mes de apertura, o que supón que cada día unha media de 600 persoas achéganse ao Museo Centro Gaiás da Cidade da Cultura de Galicia para descubrir a que xa é unha das principais citas da axenda cultural do verán.
O ciclo Atardecer no Gaiás, impulsado pola Consellería de Cultura, Lingua e Xuventude, promociona esta semana os novos talentos musicais cos concertos da banda galega Alana, gañadores na categoría de Música no último certame Xuventude CREA, e os madrileños Carrera Blanca, grupo revelación nacional no Festival Contempopranea 2023.
A Xunta de Galicia convida ás familias a pechar o verán por todo o alto cunha das citas imprescindibles do ocio en conxunto. A Cidade Imaxinaria regresa por duodécima vez á Cidade da Cultura o vindeiro 7 de setembro para mergullar a pequenos e maiores na ilusión dunha xornada que concentra maxia, música, xogos e circo desde as 16,00h ata as 20,00h con entrada libre e de balde.
Páxinas
- « primeira
- ‹ anterior
- …
- 24
- 25
- 26
- 27
- 28
- 29
- 30
- 31
- 32
- …
- seguinte ›
- última »