Sala de prensa

 
Santiago, 29 de Decembro de 2024
A Residencia Literaria da Xunta na Cidade da Cultura propicia o debut na narrativa galega de dúas das súas participantes

A Residencia Literaria que a Xunta de Galicia celebra na Cidade da Cultura acaba de propiciar o debut na narrativa galega de dúas das súas participantes na edición de 2023. A mexicana Sara Guerrero e a naronesa Ana Varela acaban de publicar en dúas editoriais galegas os libros Eu son o monte e Runrún, respectivamente. Ambos os dous son os proxectos cos que traballaron o pasado ano no encontro formativo da Consellería de Cultura, Lingua e Xuventude para escritores noveis polo que xa pasaron algúns dos autores e autoras que están a despuntar no panorama literario actual.

Santiago, 27 de Decembro de 2024
O Gaiás premia a creatividade da rapazada no seu concurso infantil de postais de Nadal

A Xunta de Galicia premiou hoxe a creatividade amosada polos máis pequenos e pequenas da casa no tradicional concurso infantil de postais da programación de Nadal no Gaiás.

Santiago, 22 de Decembro de 2024
A Cidade da Cultura e a Federación de Asociacións de Persoas Xordas de Galicia abren vías de colaboración para avanzar na accesibilidade ás mostras do Gaiás

A Cidade da Cultura e a Federación de Asociacións de Persoas Xordas de Galicia traballan en abrir novas vías de colaboración que contribúan a unha programación cultural inclusiva e accesible a toda a cidadanía. Neste sentido, un grupo de persoas xordas e xordo-cegas visitou a exposición Unha vida viquinga, co apoio de intérpretes en lingua de signos e da aplicación móbil de guiado da mostra.

Santiago, 19 de Decembro de 2024
O pulo das exposicións internacionais leva ao Gaiás a pechar 2024 como o ano con maior número de participantes no seu programa cultural

O conselleiro de Cultura, Lingua e Xuventude, José López Campos, presidiu esta mañá a última reunión do ano do padroado da Fundación Cidade da Cultura de Galicia, xuntanza na que destacou a  “expansión que experimenta o Gaiás”, acreditada por datos como que pechará 2024 con máis de 1,4 millóns de visitas ou sendo o ano da súa historia no que máis persoas participaron no seu programa de actividades. A estimación é que, unha vez computados os datos de decembro, o exercicio remate con preto de 250.000 participantes.

Santiago, 15 de Decembro de 2024
‘Unha vida viquinga’ supera as 50.000 visitas e convértese nunha das de maior afluencia do Museo Gaiás a un mes de pechar as súas portas

A exposición Unha vida viquinga supera xa as 50.000 visitas desde a súa apertura o pasado mes de xullo na Cidade da Cultura de Galicia. A pouco menos dun mes de pechar as súas portas, esta mostra internacional que exhibe pezas históricas e arqueolóxicas de Suecia, Dinamarca ou Francia sitúase entre as tres máis visitadas da historia do Museo Centro Gaiás, xunto a Faraón, rei de Exipto (2021) e Galicia un relato no mundo (2019-2020).

Páxinas