WOMEX é a máis importante feira profesional de ‘world music’ do mundo, segundo a UNESCO. Inclúe músicas de raíz, folc, étnica, tradicional, alternativa e da diáspora.  

WOMEX leva celebradas 19 edicións por toda Europa (en cidades como Berlín, Bruxelas, Estocolmo, Rotterdam, Sevilla, Copenhague, Tesalónica ou Cardiff) e celebrará a súa vixésima edición en Santiago de Compostela do 22 ao 26 de outubro de 2014, que terá unha programación especial precisamente por esta efeméride. 

WOMEX 14 terá lugar en dous lugares arquitectónica e culturalmente únicos: a cidade histórica de Compostela e a Cidade da Cultura: 

• Womex Day: Tradefair,  films, premios, conferencias, networking... A feira profesional que reúne a máis de 2.000 delegados celebrarase no espectacular recinto do Museo Centro Gaiás da Cidade da Cultura. Só para delegados inscritos no Womex 2014.
• Womex Night: DJ Summit e Showcases Os 60 showcases que se celebrarán durante as tres noites do WOMEX repartiranse por diferentes recintos e prazas da cidade histórica de Santiago de Compostela: Praza da Quintana, Teatro Principal, Salón Teatro, Auditorio NovaGalicia Banco e Sala Capitol. Está aberto ao público xeral. Consulta o programa completo e a venda de entradas aquí