Coñece coa axuda dos nosos guías a espectacular arquitectura da Cidade da Cultura de Galicia, a súa xénese e funcións actuais, e as exposicións que alberga. Descubre a contorna natural do monte Gaiás, as intervencións artísticas que agochan espazos verdes como o Bosque de Galicia e os vencellos entre o proxecto arquitectónico de Peter Eisenman e o Camiño de Santiago, que precisamente entra en Compostela bordeando a aba suroeste do Gaiás.

A través da nosa oferta de visitas comentadas para este verán poderás achegarte de xeito ameno e divulgativo a esta singular infraestrutura e á súa oferta cultural. Preme sobre as imaxes para descubrir os diferentes tipos de visitas que ofrecemos e reservar a túa quenda.