Medidas na Cidade da Cultura pola situación sanitaria

Co fin de garantir a saúde de visitantes, usuarios e traballadores e seguindo as indicacións  das autoridades sanitarias en relación co Covid-19, a Fundación Cidade da Cultura de Galicia informa:

  • Museo Centro Gaiás e a Biblioteca e Arquivo de Galicia permanecerán pechados ao público durante 14 días, periodo prorrogable en función da situación sanitaria. 
  • O peche supón a cancelación de todas as visitas de grupos e das actividades presenciais programadas neste periodo no Museo Centro Gaiás.
  • O Punto de Información da Cidade da Cultura, situado no Museo Centro Gaiás, está pechado. No entanto, as persoas que precisen realizar algunha consulta poden facelo no teléfono 881 997584 ou a través do enderezo electrónico: o.informacion@cidadedacultura.org
  • Cérranse os tres auditorios da Cidade da Cultura, o Salón de Convencións do CINC e outros espazos de celebración de eventos. 
  • A área infantil da Cidade da Cultura tamén está pechada ao público no mesmo período, prorrogable en función da situación da situación sanitaria.
  • Peche dos espazos naturais do Gaiás: Bosque de Galicia, Parque do Lago, Xardín Literario e Xardín do Teatro.
  • Os equipos do Museo Centro Gaiás, da Biblioteca e do Arquivo de Galicia continuarán a traballar de xeito interno, prestando servizos a través de ferramentas dixitais e potenciando os contidos online.
  • Os espazos de traballo do Centro de Emprendemento continuarán abertos para prestar servizo ás empresas e persoas emprendedoras usuarias das instalacións, de xeito que poidan desenvolver o seu traballo con normalidade, pero sempre atendendo as recomendacións sanitarias xerais. 

Ante posibles modificacións dos servizos do complexo da Cidade da Cultura, pregamos a cidadanía que consulte as webs e contas de redes sociais das institucións, empresas e colectivos localizados no Gaiás non dependentes da Fundación Cidade da Cultura de Galicia.

Para máis información, o teléfono de atención á cidadanía é o 900 400 116.

Lembrando que estas decisións están dirixidas a minimizar o impacto do coronavirus, apelamos á responsabilidade de todos e todas para conter os contaxios e agradecemos a súa colaboración.
 
Moitas grazas.