Camiño ao Gaiás 2016

Arte, Historia, Natureza e un estilo de vida saúdable. Estas son as catro claves do Camiño ao Gaiás 2016, co que a Cidade da Cultura e a Fundación USC Deportiva convidan a todos os composteláns e a todos os visitantes a descubrir unha nova cidade.

Nesta nova ruta a pé ata o complexo deseñado por Peter Eisenman, os participantes poderán descubrir o rico patrimonio monumental e natural de Compostela nun roteiro apto para todos os públicos que este ano arrancará desde o corazón da zona vella de Santiago: a oficina de Turismo de Santiago, en plena rúa do Vilar. Tras pasar pola Rúa Nova, Facultade de Xeografía e Historia, San Fiz de Solovio e o Mercado de Abastos, a ruta seguirá por San Pedro para adentranos no Parque de Belvís e desembocar en Sar. Como novidade, o Camiño ao Gaiás deste ano descubriralle aos participantes a nova zona verde de Compostela: o Bosque de Galicia, o acceso natural ao Gaiás. Tras contemplar a cara máis descoñecida de Compostela, os participantes serán recibidos por un dos guías do Museo Centro Gaiás, e completarán o seu percorrido cunha visita guiada de balde á exposición Con-fío en Galicia.

 

 
Visitar
 
21 Set 2021 - 21 Dec 2021
10.00 h| 12.30 h
Outono 2021
Sábados, domingos e festivos | 11h
Outono 2021
De martes a domingo