O xoves 4 de outubro terá lugar no Centro de Emprendemento da Cidade da Cultura o "Taller para comunicar de forma eficaz", encadrado dentro do programa Galicia Open Future. A sesión está dirixida ás persoas emprendedoras e empresas que participan nesta edición do Galicia Open Future e será impartida por Álvaro Otero, de Atlántica Comunicación, firma especializada en comunicación online e offline, consultoría e xestión das relacións cos medios de comunicación.
Reunión mensual da coordinación do Centro de Emprendemento da Cidade da Cultura, dirixida a todas as empresas residentes, tanto no Viveiro como no Coworking, e destinada a informar das actividades do Centro e outros temas de interese para as persoas emprendedoras do CEM.
O Centro de Emprendemento acolle unha nova actividade de formación aberta para as persoas emprendedoras do programa de formación e titorización do CEM. Nesta ocasión será un obradoiro de 'Design Thinking', metodoloxía empregada en procesos de innovación para a análise e proposta de solucións creativas a calquera problemática. Celébrase o luns día 2 de outubro en horario de 10 a 13 horas.
A Cidade da Cultura de Galicia acolle o 26 de setembro a presentación dos proxectos emprendedores que completaron a terceira edición do 'Programa Go2Work', coworking centrado no sector das industrias culturais e tecnolóxicas que organiza o IGAPE e a EOI, coa colaboración do Centro de Emprendemento Gaiás.
No Demoday cada participante disporá dun tempo moi breve, non máis de sete minutos, para dar a coñecer a súa iniciativa. Estas son as iniciativas que se presentarán no evento:
A Fundación Cidade da Cultura de Galicia convoca a sexta edición dos premios Emprende Gaiás-Sixto Seco, concurso que impulsa o desenvolvemento de ideas emprendedoras relacionadas coas industrias culturais en Galicia.
Os premios Emprende Gaiás-Sixto Seco buscan poñer en marcha proxectos innovadores no ámbito da creación e da cultura artellados en dúas modalidades: