Arrancamos novo ciclo cun feixe de actividades diversas para pasar as tardes en familia. En Verán no Gaiás toparás teatro, obradoiros e relatos, xogos tradicionais, maxia e un lote de gargalladas da man de compañías galegas que nos traen espectáculos diversos e especialmente pensados para a rapazada.
Do 21 de xullo ao 18 de agosto, achégate á Cidade da Cultura para te divertir na compaña da túa xente. Todas as entradas son de balde previa retirada de convite. Olla todo o que temos por vir!
VERÁN NO GAIÁS
|
A TROPA DO DOUTOR MILAGRE | Inventi Teatro Data e hora: Mércores, 21 de xullo. 19 h Lugar: Xardín Literario Duración: 50' Idade recomendada: +4 anos Teatro de rúa |
||||||||||||||
A tropa do Doutor Milagre é un explosivo espectáculo de teatro de rúa onde maiores e pequenos poderán probar de primeira man os “efectivos” produtos do Doutor Milagre. Agoniado polas débedas e impulsado por unha necesidade imperiosa de facer fortuna este atolado médico/inventor toma unha arriscada decisión: Facerse con un autobús abandonado para convertelo nun autentico show de venta ambulante. Para esta aventura estará acompañado do seu fiel axudante, o pequeno Miñoca e a exuberante Madame Bobarí. Música, improvisación, xogo, baile, diversión, comedia, maxia e moito máis neste delirante espectáculo de rúa. |
|||||||||||||||
|
|
A EIRA DO PAPORRUBIO | Javier Iglesias Rodríguez Data e hora: Mércores, 11 de agosto. De 18 a 19.30 h Duración: 90 min Lugar: Xardín Literario Aforo: 10 entradas grupais (máx. 6 persoas por grupo) Idade recomendada: +2 anos Teatro e xogos tradicionais. |
Con A Eira do Paporrubio o Gaiás vira en parque de xogos tradicionais. Javier Iglesias Rodríguez proporanos un compendio de xogos autónomos e animados de temática agraria co que coñecermos un dos paxaros máis pequenos, rebuldeiros e cantareiros da nosa fauna. Cada entrada permite o acceso grupal dunha familia ou unidade de convivencia dun máximo de 6 persoas. Ao retirar o convite, cómpre indicar o nome e datos de contacto da persoa responsable que, de ser necesario, facilitará os do resto de integrantes. É un evento para maiores de 2 anos, cunha duración aproximada 90 min, que inclúe actividade teatralizada até as 18.45 h (45 min) e xogos tradicionais até as 19.30 (45 min). Esta actividade conta co apio do programa de dinamización lingüística FalaRedes. |
|
|
O CAMIÑO DO AFIADOR | Mago Teto Data e hora: Mércores, 18 de agosto. 19 h Duración: 70' Idade recomendada: +7 anos Maxia |
O Camiño do Afiador é un espectáculo de maxia que xira ao redor dunha roda de afiar dos anos trinta, herdada polo Mago Teto dos seus ancestros. Tras séculos de viaxes, a roda trae canda si milleiros de historias e aventuras doutros tempos que chegan á escena envoltas do bo facer deste grande ilusionista. |
|
jpg | 654.92 KB |