A Secretaría Xeral de Cultura, a través da Subdirección Xeral de Arquivos, convoca á Xornada técnica "Modelo Conceptual de Descrición Arquivística e sistemas de descrición multi-entidade"  que se celebrará o día 30 de maio na Cidade da Cultura de Santiago de Compostela, na sala 1 do edificio da Biblioteca e do Arquivo de Galicia.
 
Esta xornada estará a cargo de Javier Requejo Zalama e Ana María López Cuadrado, presidente da CNEDA e coordinadora de traballos de normalización de autoridades arquivísticas dentro da Plataforma PARES respectivamente.
 
O propósito desta xornada é que os profesionais dos arquivos galegos coñezan con máis profundidade a descrición arquivística normalizada, o estándar NEDA-MC, a aplicación do modelo multi-entidade en arquivos e a realización de rexistros de entidades tendo en conta NEDA.
 

Terán prioridade o persoal técnico dos arquivos que forman parte do Sistema de arquivos de Galicia e están integrados en Galiciana. Arquivo Dixital de Galicia