FAIA [17.30H]
Chisme [21H]
Esta celebración tripla suporá ademais a primeira actividade presencial da programación cultural da Cidade da Cultura. Poderedes asistir de balde, pero baixo retirada de convite en ataquilla.com xa que o acceso será limitado polas medidas de seguridade sanitarias post-covid19, polo que a asistencia restrinxirase a 80 persoas por cada concerto.
No entanto, ninguén que desexe escoitar a estas tres formacións/artistas vai quedar se facelo!! porque serán retransmitidas en streaming pola canle de youtube da Cidade da Cultura.
EL AFECTO ILUSTRADO | 12 HORAS | 60'
Asistencia presencial | Retirada convite en Ataquilla
Concibido como un grupo de cámara innovador e versátil, a súa filosofía é presentar unha interpretación historicista do repertorio comprendido entre os séculos XVII e XIX dunha forma próxima e tanxible.
O ensemble está integrado por profesionais que despuntan no panorama musical nacional e internacional. Con formatos de concerto pouco explorados, procuran difundir programas dun alto nivel de calidade interpretativa, precisión histórica e respecto ás fontes orixinais, froito dun proceso detallado de estudo e investigación musical e histórica.
Actuación en formato sexteto e repertorio barroco: 'Britannia. Música inglesa do s. XVII'. PROGRAMA
FAIA | 17.30 HORAS | 60'
Asistencia presencial | Retirada convite en Ataquilla
Cantante e investigadora, tamén é licenciada en Historia da arte. Foi bolseira na Habana, Perugia e Barcelona, onde cursou estudos de etnomusicoloxía, cinema e crítica artística, e está formada en dixitalización e catalogación do patrimonio artístico. Como cantante, é membro do coñecido grupo galego De Vacas, que ten actuado na Cidade da Cultura.
No Gaiás presenta 'Ao cabo leirín', o seu primeiro disco, un traballo de investigación do cancioneiro tradicional pero tamén da súa propia voz e dos espazos sonoros que a arroupan, desde o recuncho solitario da taberna ao calor dunha cheminea.
CHISME | 21 HORAS | 60 '
Asistencia presencial | Retirada convite en Ataquilla
Proxecto musical de Fernando Epelde (tamén coñecido por ser dramaturgo e actor na compañía de teatro Voadora). Tras unha serie de álbums marcados pola experimentación formal e por fíos conceptuais que o levaban a explorar territorios como o da arte sonora, a electrónica minimalista ou o pop cibernético; abraza en 'Todo é ficción' un rexistro máis preto que nunca do 'formato canción': melodías pegañentas, unha sonoridade que mantén a súa conexión con texturas electrónicas pero cunha afouteza e unha pegada que lembran a xéneros como a new- rave ou o pop groove máis espacial.
No Gaiás presenta temas do seu último traballo 'Todo e ficción' e tamén de anteriores proxectos.