Crear melodías máxicas con só facer xirar unha manivela. Esta é a proposta do músico Germán Díaz, mestre da zanfona, un instrumento co que é capaz de espertar as emocións máis profundas. 

Este Nadal, nenos e adultos teredes a oportunidade de compartir tres horas con este músico para levar a cabo a fermosa tarefa de compoñer unha peza musical que poida ser interpretada por un dos instrumentos de manivela da súa colección.