Bookcrossing 8M | Día Internacional da Muller

A Cidade da Cultura organiza con motivo do Día Internacional da Muller un Bookcrossing moi especial. Durante unha semana podedes depositar e recoller libros nas instalacións do Gaiás, facendo unha cadea de intercambio e compartindo así lecturas con outras persoas. A premisa é que eses libros teñan que ver coa muller, ben porque sexan as autoras ou porque teñan que ver dalgunha forma co contido. Así, os exemplares terán unha segunda vida e as persoas lectoras unha oportunidade de intercambiar coñecemento.
 
Onde podes deixar e recoller os libros?:

  • Hall de Tirantes do Museo Centro Gaiás
  • Espazo ON
  • Entrada do Edificio Fontán
  • Cafetería do Museo
  • Cafetería do CINC
En cada un dos espazos atoparás un punto habilitado para poder depositar os libros e levar algún dos que atopes e che interese.
 

Ademais, podes entrar na páxina oficial de Bookcrossing en España www.bookcrossing-spain.com, rexistrar o libro que queres intercambiar e apuntar o código que xere a web para poder facer un seguimento do seu percorrido.