A Asociación Galega de Mestres de Audición e Linguaxe (AGMAL) organiza este mes de novembro as I Xornadas de Audición, Linguaxe e Comunicación, que decorrerán na Cidade da Cultura nos días 16 e 17 de novembro. O encontro servirá para analizar e debater sobre os retos que afronta esta profesión con algúns dos mellores expertos pedadogos, logopedas, lingüistas e psicólogos que están a traballar e a investigar en áreas como a dislexia, os trastornos fonéticos e fonolóxicos, a compresión da linguaxe e a lectura, as posibilidades nas novas tecnoloxías na comunicación aumentativa ou a inclusión do alumnado xordo nas aulas.
AGMAL é unha asociación sen ánimo de lucro que nace no 2017 co fin de apoiar a figura do Mestre de Audición e Linguaxe, intentando dar solucións prácticas e resolver as problemáticas e retos que afectan ao colectivo no seu traballo diario. Con este obxectivo, AGMAL organiza cursos, seminarios, congresos nos que compartir experiencias e afondar, da man dos mellores expertos do sector, na mellora da profesión.
Programa das xornadas
Venres 16
- 15:45-16:00h. Entrega de materiais.
- 16:00-16:30h.Benvida
- 16:30-18:30h. Santos Borregón: Trastornos da articulación: Da exploración ao tratamento, un novo enfoque.
- 18:30-18:45h. Descanso
- 18:45-20:15h. Fátima Mª García Doval: A comunicación alumentativa e alternativa na era dixital: posibilidades e retos.
Sábado 17
- 09:30-11:00 h. Gerardo Aguado: Que é e como mellorar a comprensión da linguaxe. Parte 1
- 11:00-11:30 h. Descanso
- 11:30-12:30 h. Gerardo Aguado: Que é e como mellorar a comprensión da linguaxe. Parte 2
- 12:30-14:00 h. FAXPG: A inclusión do alumnado xordo na aula.
- 14:00-15:45 h. Comida
- 15:45-17:45 h. Carmen Silva: A dislexia desde unha perspectiva neuropsicolóxica.
- 17:45-18:15 h. Descanso
- 18:15-20:15 h. Raquel Escobar: Construíndo un novo enfoque en tartamudez: dos mitos, pálpitos e impresións ás evidencias, investigación e rigor.
- 20:15 h. Despedida
Máis información sobre os relatores, contidos e inscricións na web de Agmal.