Con motivo do Día das Bibliotecas, a Biblioteca de Galicia organiza unha xornada especial na que, a través dunha visita guiada polas instalacións impartida polo persoal técnico, poderás acceder a espazos de acceso restrinxido e coñecer polo miúdo os servizos da institución que conserva o patrimonio bibliográfico galego.  

Ademais, ao longo da xornada, regalaranse bolsas sorpresas de libros ás persoas visitantes ata esgotar existencias.