A Cidade da Cultura acolle a quinta edición do Festival de Bandas Infantís e Xuvenís de Galicia, no que as formacións participantes interpretarán durante vinte minutos o repertorio elixido para a ocasión. Como habitualmente, o Festival rematará cunha emocionante actuación conxunta de todas as agrupacións, que interpretarán na praza central o Himno Galego.
O Festival de Bandas Infantís e Xuvenís de Galicia busca dar a coñecer o traballo que fan as formacións máis novas das bandas de música populares galegas, ao tempo que se fomenta unha xornada de convivencia entre os seus compoñentes, provenientes de toda a xeografía galega e co nexo común do seu amor pola música.
PROGRAMA DA XORNADA
MAÑÁ
11:00 h Banda Xuvenil da Banda de Música Municipal de Celanova
11:30 h Banda Xuvenil da Escola de Música de Salceda
12:00 h Banda de Música Xuvenil de Castrelo-Cambados
12:30 h Banda de Música Xuvenil de Santa Cruz de Ribadulla
13:00 h Banda da Escola da Agrupación Musical do Rosal
13:30 h Banda Escola Ateneo Musical de Bembrive
TARDE
16:30 h Unión Musical de Tenorio
17:00 h Banda Infantil e Xuvenil de Antas de Ulla
17:30 h Banda de Música Xuvenil da Escola da Banda A Unión de Guláns
18:00 h Xove Banda de Valga
18:30 h Banda Xuvenil de Lalín
19:00 h Banda Sinfónica Xuvenil Galega
20:00 h Himno galego (Praza Central)
20:15 h Discursos e entrega de diplomas participación ós representantes das bandas