O mellor cine miúdo volve ao Gaiás na terceira edición de Pequefilmes. Toda unha fin de semana de proxeccións, votacións, premios do público e obradoiros cos que dar resposta á demanda dun público pequeno en tamaño pero grande en esixencias.
Durante os días 26 e 27 de xaneiro de 2019, o Museo Centro Gaiás ofrecerá unha emocionante e amplísima escolma das mellores producións internacionais actuais para a cativada, moitas delas premiadas e seleccionadas nos festivais de cinema infantil, xuvenil e de animación máis importantes do mundo (Annecy, Clermont-Ferrand, Chicago ICFF, Animamundi, Animafest, Dresdner Kinderfilfest...).
- 3 seccións que abarcan todas as etapas da infancia: Vagalumes (dirixida a nenos e nenas de 0 a 3 anos), Miñocas (+3 anos) e Fanecas (+7 anos).
- Máis de 150 proxeccións de curtas procedentes de 30 países.
- 20 sesións: 14 de concurso (Fanecas e Miñocas) e 6 fóra de concurso (Vagalumes, Festival Clermont-Ferrand)
PREMIOS PEQUEFILMES 2019
Os nenos e nenas, ademais de espectadores, son o xurado do festival. A súa ollada crítica e as súas valoracións tense en conta á hora de conceder os premios do público aos mellores traballos exhibidos nas seccións Miñocas e Fanecas. Os gañadores de Pequefilmes 2019 son:
- Premio do Público á mellor curtametraxe Miñocas: Mogu and Perol (Tsuneo Goda. Xapón, 2018)
- Premio do Público á mellor curtametraxe Fanecas: Hors Piste (Léo Brunel, Loris Cavalier, Camille Jalabert y Oscar Mallet. Francia, 2018)
Mogu and Perol. Premio Miñocas 2019 | Hors Piste. Premio Fanecas 2019 |
PROXECCIÓNS DE CURTAS POR IDADES
- Pequefilmes Vagalumes. De 0 a 3 anos. Consulta aquí a programación completa da sección
- Pequefilmes Miñocas. +3 anos. Consulta aquí a programación completa da sección
- Pequefilmes Fanecas. +7 anos. Consulta aquí a programación completa da sección
- Carta Branca. Clermont-Ferrand. Unha escolla especial para Pequefilmes das mellores películas seleccionadas nas pasadas edicións do Festival Internacional de Curtametraxes Clermont-Ferrand (Francia). Consulta o aquí listado de filmes.
OBRADOIROS DE CREACIÓN CINEMATOGRÁFICA
Xunto ás proxeccións, Pequefilmes ofrecerá tamén obradoiros nos que toda a familia compartirá a aprendizaxe de técnicas e conceptos fundamentais no proceso de creación cinematográfica e na animación. Uns coñecementos que poderán seguir desenvolvendo posteriormente nos seus fogares para divertirse creando xuntos pequenas películas en familia.
- Obradoiro de stop-motion con obxectos. 7 sesións en horario de mañá e tarde. 10 prazas por sesión.
- Obradoiro de construción dun proxectos de cine caseiro. 7 sesións en horario de mañá e tarde. 10 prazas por sesión.
Os obradoiros terán unha duración de 45 minutos e están pensados para nenos e nenas a partir dos 5 anos de idade, que deberán estar acompañados dunha persoa adulta.