Nós, que vivimos nun obxectivo turístico, imos xogar nesta sesión a sermos turistas. Pensaremos en como nos comportamos cando viaxamos, e no que nos gusta e nos molesta dos comportamento do turismo cando nos visita.

Faremos unha serie de murais colectivos con fotografías e datos para achegarnos e coñecer algunhas das cidades máis turísticas do mundo (Nova Iorque, Venecia, Roma, París, Compostela, Madrid....). Cada cidade terá o seu propio mural, centrándonos nuns poucos elementos, moi recoñecibles, de cada unha delas: un edificio, unha comida, unha festa.... Crearemos un xogo de mesa tipo Trivial co que, unha vez rematados os murais, competiremos para ver canto sabemos agora deses sitios.