Matinais Musicais | Quinteto de Metais da OSG

O Quinteto de Metais da Orquestra Sinfónica de Galicia abre o ciclo de Matinais Musicais de outono da Cidade da Cultura o 14 de novembro cun concerto no que rende homenaxe ao que foi o seu fundador, o solista de trompeta da OSG John Aigi Hurn, e á música do seu país natal, os Estados Unidos de América.

O repertorio inclúe a estrea de dúas obras novas encargadas pola Sinfónica de Galicia dentro do seu Proxecto 2020-2021 aos compositores Roberto Somoza e Nani García, referentes da música Jazz en Galicia e colaboradores de Aigi en numerosas ocasións. Ambas pezas exploran a variedade de rexistros expresivos dos instrumentos de metal.

Na obra de Nani García, The Trumpeter and the Sea, a marimba engade ao conxunto un particular son lírico que lembra o vaivén caprichoso do océano Atlántico. En Buddy Bolden Suite, Roberto Somoza incorpora o violín, a frauta, o clarinete e o fagot para lograr un son máis auténtico e próximo ás raíces do jazz e á música dun dos pioneiros da trompeta, Buddy Bolden, quen á súa vez fora inspiración para o fundador do Quinteto de Metais da OSG e para moitas xeracións de trompetistas en todo o mundo.

O programa deste primeiro concerto das Matinais Musicais no Gaiás incorpora tamén pezas clásicas para quinteto de metais, sempre cun pé no mundo do swing, o jazz e outros xéneros da música americana.

Descarga aquí o programa do concerto do Quinteto de metais da OSG.


PROGRAMA

  • John Cheetham (1939). Scherzo
  • Malcom Arnold (1921-2006). Quinteto de metais nº 1
  • Leonard Bernstein (1917-1990). Dance suite
  • Nani García (1955). The Trumpeter and the Sea
  • Paul Nagle (1947). Jive for Five
  • Roberto Somoza. Buddy Bolden Suite


QUINTETO DE METAIS DA OSG 

  • Nicolás Gómez Naval, trompa
  • Alejandro Vázquez Lamela, trompeta
  • Víctor Vilariño, trompeta
  • Jon Etterbeek, trombón
  • Jesper Boile Nielsen, tuba

 

  • Carolina Cygan, violín
  • María José Ortuño, frauta
  • Juan Ferrer, clarinete
  • Steve Harriswangler, fagot
  • Alejandro Sanz Redondo, marimba