Galicia Emerxe

A Cidade da Cultura acollerá en setembro 50 concertos de artistas e grupos musicais galegos, de moi diferentes estilos, no marco do ciclo Galicia Emerxe, un programa de música ao vivo promovido pola Xunta de Galicia ao abeiro do Plan de reactivación dos sectores cultural e turístico fronte aos efectos derivados da covid-19.

Os concertos, dunha media hora de duración, serán gravados no Museo Centro Gaiás, con presenza de público -sempre seguindo as inidicacións en materia de seguridade ditaminadas para ese momento polas autoridades sanitarias-. Cóntase ademais coa implicación no proxecto da CRTVG para emitir os concertos en diferentes episodios, que adaptarán o seu formato para seren emitidos tamén pola Radio Galega, así como en YouTube e en plataformas de música en streaming. Deste xeito contribuirase tamén á difusión do traballo dos artistas e bandas galegas a través de diversas canles audiovisuais.

As bandas e solistas que actúan en Galicia Emerxe deberán ser propostas por axencias ou representantes con dedicación profesional e serán elixidas por unha comisión independente. A súa selección realízase mediante convocatoria aberta na primeira quincena do mes de xuño.

Prazo e forma de inscrición

  • Os grupos ou artistas que queiran participar deberán realizar a súa inscrición a través da plataforma de xestión: www.galescena.gal
  • O prazo de inscrición é do 15 ao 23 de xuño

Requisitos de participación:Grupos e ou artistas galegos profesionais, de calquera estilo musical, con domicilio fiscal en Galicia.

Finalizado o prazo, unha comisión externa, nomeada pola dirección da Agadic, seleccionará os artistas e grupos participantes tendo en conta, entre outros, os seguintes criterios: uso da lingua galega, igualdade de xénero, calidade artística, traxectoria profesional...

Os artistas seleccionados enmarcarase en distintas modalidades atendendo ao caché presentado:

  • Caché ata 10.000 €
  • Caché ata 6.000 €
  • Caché ata 4.000 €
  • Caché ata 2.000 €

Para máis información dirixirse ao enderezo electrónico: agadic@xunta.gal

 
Música & Escena
 
XOVES [9 xullo ao 3 setembro]
21 horas