Os protagonistas deste Atardecer no Gaiás serán as novas xeracións da man de Dirty Socks, banda compostelana formada por novisimos músicos que levarán ata a praza central do Gaiás a súa psicodelia e enerxía a través dos temas do seu primeiro disco: Abandoned Warehouse.

Con dous EP’s ás súas costas e máis de 500.000 visitas en myspace, Dirty Socks ofrecerán os seus sons frescos e potentes, demostrando que están entre as mellores promesas do país.