O Auditorio da Biblioteca de Galicia convértese nunha pequena aldea con casiñas de madeira que parecen feitas de galletas de xenxibre. Nelas habita a veciñanza da Aldea Musical de Nadal, que lle contarán aos nenos e nenas como é a súa vida nun lugar máxico e sorprendente onde sempre é Nadal.

O arranxo polifónico das voces, a percusión con elementos pouco convencionais como axóuxeres, campás e un feixe de instrumentos, son as ferramentas que usarán os habitantes da aldea para contarannos as historias de panxoliñas universais como Silent Night, Adeste Fideles, A Belén vinde pastores, entre outras.Un espectáculo que leva a escena unha montaxe entrañable e tenra para pasar en familia nestas datas.