A 4ª Xornada de Bibliotecas Públicas de Galicia desenvolverase o 24 de outubro de 2022, coincidindo co Día das Bibliotecas, no Auditorio do Edificio Fontán da Cidade da Cultura. Promovida pola Dirección Xeral de Cultura da Xunta de Galicia, é un foro de encontro e debate no que os e as profesionais da Rede de Bibliotecas Públicas de Galicia terán a oportunidade de compartir, reflexionar e aprender en torno á mellora dos servizos bibliotecarios.

Nesta ocasión, o lema da xornada centra a ollada na creatividade. As bibliotecas son lugares nos que se accede ao coñecemento e á información, polo que serven para alimentar a curiosidade e facilitar a investigación. Tamén son espazos seguros e abertos para o lecer e a evasión, e polo tanto, para a imaxinación. Ter curiosidade, investigar, imaxinar... son requisitos necesarios para descubrir, innovar e crear, indo máis alá do coñecido. En definitiva, para a transformación e o progreso.

Na xornada compartiranse experiencias e proxectos orientados a propiciar a actividade creadora entre o público infantil e adulto. Ademais, poranse en común recursos creativos para a xeración de contidos e a difusión das oportunidades que ofrece a biblioteca, abrindo novas ventás para a atracción e a participación dos usuarios e usuarias. A xornada pecharase coa entrega do Premio á Innovación Bibliotecaria de Galicia 2022.

• Para participar na XORNADA, que é de balde, hai que reservar praza [RESERVAS NA MARXE DEREITA]
• Para tomar parte nos TALLERES DE EXPERIENCIAS é preciso reservar praza por separado á marxe do resto do programa da xornada [CONSULTA  A INFO NA MARXE DEREITA]

PROGRAMA