A Cidade da Cultura convida as familias a gozar dunha das citas clásicas do Gaiás: a Cidade Imaxinaria. Esta xornada lúdica e familiar que enche de fantasía o recinto volve celebrarse este ano por partida dobre. Por unha banda o 27 de abril para festexar a chegada da primavera e conmemorar o Día Internacional do Circo –que ten lugar uns días antes–; e por outra en agosto, como todos os veráns desde hai xa nove edicións.
Logo de que o Consello da Xunta aprobara o pasado xoves o acordo co Consello Superior de Investigación Científicas (CSIC) para trasladar o Instituto de Ciencias do Patrimonio (Incipit), o presidente da Xunta, Alberto Núñez Feijóo, afirmou hoxe, durante o acto de sinatura, que esta nova incorporación ao Edificio Fontán contribuirá a seguir facendo do Gaiás un polo de cultura, coñecemento e investigación.
O Museo Centro Gaiás abre ao público Pensar coas mans. Cestería, cerámica e xoiería de Galicia, exposición coa que a Xunta quere pór en valor a calidade e proxección internacional da artesanía galega.
O presidente do Goberno galego, Alberto Núñez Feijóo, informou na rolda de prensa de Consello, da autorización dun convenio co Consello Superior de Investigacións Científicas para trasladar o Instituto de Ciencias do Patrimonio, Incipit, creado en 2010, ao novo edificio Fontán da Cidade da Cultura.
O Centro de Emprendemento da Cidade da Cultura acolleu esta tarde a segunda edición do CreaGaiás, no marco do cal foron entregados os galardóns de dous certames de fotografía dirixidos a instagrammers e fotógrafos amadores que retratasen dun xeito creativo o día a día no viveiro e coworking do Gaiás.
Páxinas
- « primeira
- ‹ anterior
- …
- 96
- 97
- 98
- 99
- 100
- 101
- 102
- 103
- 104
- …
- seguinte ›
- última »