A Fundación Cidade da Cultura de Galicia amosa o seu pesar polo falecemento do intelectual galeguista, pintor, ceramista e deseñador Isaac Díaz Pardo, figura clave da Galicia do século XX. Impulsor do Laboratorio de Formas, Cerámicas O Castro, Sargadelos ou Ediciós do Castro, consagrou a súa vida a impulsar e fomentar a cultura galega. Irrepetible pensador e emprendedor, o seu legado é xa parte da nosa Historia.