Como soa unha refrega de película? Bang!, Ouch!, Kapow!, Uggh! e un montón de sons máis que acompañan á música, aos diálogos, ao son ambiente… Gustaríache aprender a captalos? E a misturalos? E que tal facelos? 

Pois esta fin de semana tedes unha oportunidade de cine a través do obradoiro Sons de película, no que se darán a coñecer os diferentes procesos de son que se levan a cabo nunha produción audiovisual: desde a rodaxe, á montaxe, edición e mistura final. E todo dunha forma moi divertida a través de fragmentos de películas de ficción e animación galegas que logo xogaremos a reproducir.