Acampada no Bosque de Galicia para a cativada e con monitores para coñecer a flora e a fauna (sobre todo especies de paxaros) deste espazo natural.
Ademais, aprovéitase esta actividade para que os máis novos se acheguen á arquitectura e complexo da Cidade da Cultura deseñado polo prestixioso arquitecto Peter Eisenman. Como colofón, rematan esta noite máxica á luz das estrelas, contando relatos e lendas mitolóxicas.
Dicídelle a vosa cativada que preparen o saco de durmir, pixama e cepillo de dentes e que veñan dispostos a gozar desta divertida aventura!
PROGRAMA
Venres tarde
- 19:00 ~ Recepción dos e das participantes. Punto de Información
- 19:30 ~ Visita guiada polos espazos arquitectónicos
- 20:15 ~Montaxe de campamento no Bosque de Galicia
- 21:15 ~ Cea. “Lume do campamento”
- 22:30 ~ Roteiro polo Parque do Lago e Bosque de Galicia “Os Sons da Noite”.
- 23:15 ~ Obradoiro de estrelas “Mitoloxía”
- 00:00 ~ Peche de xornada. Descanso
Sábado mañá
- 8:30 ~ Diana. Aseo e almorzo
- 9:15 ~ Recollida do campamento
- 10:00 ~ Obradoiro: Repaso da fauna nocturna mediante fichas e cantos.
- 11:00 ~ Obradoiro: Realización dun obradoiro de nós básicos
- 12:00 ~ Peche de actividade e despedida
IMPORTANTE:
- Para participar na actividade é necesario traer cuberto e asinado o formulario dispoñible na sección de descargas desta páxina. No caso de que quen deixe ou recolla ao/á participante non sexa a persoa titora legal deberá traer o documento asinado polo/a titor/a legal e copia do seu DNI
- Prégase que antes do inicio da actividade, os titores e titoras dos participantes consulten o documento de recomendacións que se atopa na sección de descargas desta mesma páxina.
- Se non se acada un mínimo de 8 participantes por quenda, a sesión será suspendida, efectuándose o reembolso das entradas ou o cambio para outra sesión. De producirse, esta suspensión será comunicada a véspera (o día previo á actividade correspondente) a partir das 13 horas.