Queres coñecer aspectos da vida cotiá das culturas indíxenas do Orinoco? O obradoiro de arquitectura indíxena ofrécelle aos máis pequenos a oportunidade de aproximarse a ela a través da construción das súas vivendas. Durante hora e media, nenos de entre 6 e 11 anos poderán descubrir:

• Que vivendas atoparon os grandes exploradores cando chegaron ao Orinoco
• Por que se construían estas vivendas, onde, con que materiais e con que fins. 
• Como se distribuían os espazos e como se vivía nelas.
• Exemplos de arquitectura sostible (adaptadas aos materiais da zona, ao clima…) 
• Que arquitecturas próximas nos recordan ás do Orinoco e porque.

Todas estas preguntas concretaranse na construción das dúas vivendas máis prezadas e que máis perduraron ata a actualidade: as churuatas (vivenda do bosque) e os palafitos (vivenda da auga), dúas iconas da cultura venezolana e do seu afán por vivir en harmonía coa natureza.