Obradoiro de arquitectura: Domingo de Andrade

A Biblioteca de Galicia organiza un obradoiro de arquitectura dedicado a Domingo de Andrade, con motivo da conmemoración do Día das Artes Galegas (1 de abril) que este ano volve dedicárselle, ao igual que en 2020, tras coincidir o pasado ano co pleno confinamento pola pandemia da covid-19.

Este obradoiro ten como obxectivo dar a coñecer a figura deste grande arquitecto galego facendo un percorrido da súa traxectoria, explicando as características da arquitectura barroca e incidindo na importancia das súas obras como elementos transformadores da cidade de Compostela. Todo isto tratado dun xeito lúdico e coa utilización de materiais específicos producidos para esta actividade.