Chegou un deses días que as crianzas de Nexos Infantil viñan demandando desde hai tempo: a banda deseñada!
Para comezar, faremos un breve percorrido pola historia recente, e descubriremos o universo creativo galego arredor deste xénero artístico, para que as nosas crianzas coñezan o que teñen máis preto.
O punto álxido desta sesión será a elaboración da nosa propia banda deseñada. Para isto seguiremos todos os pasos: idear unha historia, definir os personaxes, deseñalos, organizar un guión, encadrar as viñetas e plasmar a nosa aventura.
Para rematar, realizaremos o noso propio combate de debuxantes, en paralelo ao da sesión adulta de Nexos.
