Nexos Infantil 2018: Confín dos verdes castros... O patrimonio e a identidade de nós

Coñecer a nosa contorna máis próxima, o espazo que habitamos e transformamos, é imprescindible para saber quen somos e quen queremos ser cando medremos.

Nesta sesión de NEXOS INFANTIL faremos unha viaxe virtual por Galicia para coñecer os valores patrimoniais e naturais máis senlleiros, dende a catedral de Santiago, pasando pola muralla de Lugo, a Torre de Hércules ou a ponte romana de Ourense, ata as Rías e Parques Naturais, achegándonos ás épocas da súa construción no caso dos monumentos.

Despois, de xeito individual ou en grupos de ata tres persoas, cada quen escollerá o seu elemento preferido para realizar unha persoal recreación plástica do mesmo, ben debuxada, ben en maqueta a partir de materiais reutilizados (caixas de cartón, botellas de plástico, bricks, etc), que logo colocaremos en exposición no noso particular mapa simbólico de Galicia.

 
En familia
 
15 DEC ao 6 XAN
10:00 a 20:00h
27 DECEMBRO
17 horas
28 DECEMBRO
12 horas
3 XANEIRO
12 horas
26-27 XANEIRO