O espírito do xogo feito espectáculo. Sete personaxes trangalleiros asómanse ao escenario con ganas de xogar, aparecen gañadores e perdedores, golpes voluntarios e involuntarios, sintonía e desencanto, diversión, traballo en equipo e individualismo.
En Ludo Circus Show pequenos e grandes recoñecerédesvos en moitas situacións vividas: porque nalgún momento, nalgún lugar, todos temos xogado.
