Este venres, a praza central do Gaiás recibirá á cantante e compositora Elena Iturrieta, Ele, e os temas do seu primeiro disco Summer Rain. 

Todo un tratado de folk con alma que rescata xéneros imperecedeiros como o Soul e o Rhythm & Blues, revestidos de actualidade, dotados de vangardismo e impulsados cun levado de cara alternativo, urbano, elegante e empático con todos os públicos.

Con influencia dos grandes referentes americanos, ELE conquistou desde o primeiro instante, e a primeira nota, ao público e á crítica especializada. Pola nostalxia e a melancolía que desprenden, pola súa potencia lírica, polo optimismo que inxectan e pola amalgama instrumental que fan da súa proposta unha experiencia única, inigualable e, sobre todo, inesquecible. Se o queres comprobar, o venres tes unha cita co Atardecer no Gaiás.