Das ondas traído é un obradoiro de poesía pensado para celebrar o Día das Letras Galegas, que será impartido pola escritora Ledicia Costas. Partindo da figura do escritor homenaxeado Xosé Fernando Filgueira Valverde, rapazas e rapaces de entre 6 e 9 anos traballarán con textos poéticos centrándose fundamentalmente en dous aspectos: a rima e o divertimento.

• A rima: O punto de partida para o traballo cos nenos será a rima como elemento lúdico e tamén coma elemento que dispara as distintas posibilidades da palabra. 
• A poesía como xogo e divertimento: a través de diferentes propostas lúdicas, os nenos traballarán sen perder nunca o aspecto divertido da poesía. Trátase de mostrar a poesía coma un xénero literario cunha faceta desenfadada, coma unha ferramenta coa que poder xogar.