Boogarins combinan a tradición do tropicalismo cunha ollada moderna ao rock cantado en portugués. Unha mistura coa que conseguiron chamar a atención entre a crítica especializada e o público nun tempo récord. Na praza central do Gaiás presentarán o disco sorpresa que veñen de publicar este mesmo verán: Lá Vem a Morte, que se une aos seus dous traballos anteriores, polo que foron nominados aos Grammys Latinos.