Planta unha árbore no Bosque de Galicia

Todos os sábados estades convidados a subir ao Gaiás e contribuír á construción do Bosque de Galicia, a nova zona verde de Santiago de Compostela.

En dúas quendas -10 e 11:30 horas- e organizados en grupos de 25 persoas, os participantes farán un percorrido polo Bosque de Galicia e coñecerán de primeira man todos os aspectos ambientais e paisaxísticos do proxecto, para logo poñer o seu grao de area e contribuír á súa construción coa plantación simbólica dunha árbore. Cada un dos participantes levará para casa unha foto que inmortalice o seu xesto e un certificado que o acredite e rematará a xornada cunha bebida quente na Cantina do Gaiás.

O Bosque de Galicia ábrese tamén á comunidade escolar cunhas visitas especiais entre o 23 de marzo e o 24 abril, de luns a venres, en horario de 11 a 13 horas. A actividade está dirixida para escolares de entre 8 e 12 anos e estarán acompañados de dous monitores en todo o percorrido. Aqueles centros que estean interesados terán que poñerse en contacto coa Fundación USC Deportiva no teléfono 881 975 399 ou no mail contacto@fundacionuscdeportiva.org.

Unha forma lúdica e didáctica de ser parte do 'Bosque de Galicia' e adquirir valores ambientais e hábitos de vida saudables.

 
En familia
 
Todos os venres do 29 de xuño ao 17 de agosto
Dese as 19h ata as 12h do día seguinte
Todos os xoves do verán | Do 5 de xullo ao 13 de setembro
19h | 22.30h
11 Xullo
De 12 a 13.30 horas
25 Agosto
De 16 a 20 horas