Visitas Astronómicas 2018

Vinde descubrir a maxia das estrelas e as noites de Compostela na Cidade da Cultura. O complexo do Gaiás acolle as sesións de observacións astronómicas, nas que poder gozar das estrelas e da arquitectura do complexo a un mesmo tempo. A través de telescopios e prismáticos, e seguindo as explicacións técnicas de monitores, observaredes a lúa, planetas, estrelas dobres, nebulosas…

Ademais, coa axuda dun planisferio, aprenderedes a identificar as constelacións á primeira ollada e poderedes participar en sesións especiais como ‘A noite das Perseidas’, para gozar a noite do 12 de agosto das ‘bágoas de san Lourenzo’. Este ano coa lúa en fase nova, as condicións son moi favorables nesa noite, momento no que se prevé o máximo de actividade de estrelas fugaces.

Unha oportunidade única de descubrir a cara menos coñecida e máis misteriosa da Cidade da Cultura! Todas as sesións son de balde previa reserva neste web. Recoméndase traer roupa de abrigo para participar na actividade e, no caso de que as condicións meteorolóxicas non sexan favorables, a sesión trasladarase ao auditorio Xosé Neira Vilas da Biblioteca e Arquivo de Galicia.

 
Visitar
 
Visitas Astronómicas. Fotos: Manuel G. Vicente
Cartaz Visitas Astronómicas
 
De martes a sábado
11 horas
visitas Comentadas 2017
Todos os xoves do verán | Do 5 de xullo ao 13 de setembro
19h | 22.30h