Entradas esgotadas
Chelo Matesanz propón experimentar plasticamente en torno á idea de disfraz, non só na festa do Entroido como excelencia, senón no disfraz como Metamorfose, como transformación da identidade individual ou colectiva. O disfraz, a indumentaria e as súas posibilidades plásticas e expresivas serán a base deste obradoiro no que, a través da iconografía popular, os participantes xogarán coa duplicidade, a transformación, a mutación…
Chelo Matesanz (Reinosa-Cantabria, 1964) é licenciada en Belas Artes, nas especialidades de Pintura e Audiovisuais, e doutora pola Universidade do País Vasco. Na actualidade, é profesora titular de Pintura na facultade de Belas Artes de Pontevedra (Universidade de Vigo) onde impartiu docencia ao longo dos últimos vinte anos. A súa actividade céntrase na práctica artística xunto á actividade docente e investigadora. Independentemente ao ensino, Chelo Matesanz conta cunha traxectoria creativa iniciada en 1986 que a levou a realizar unha vintena de exposicións individuais e máis dun cento colectivas, tanto nacionais como internacionais. As súas obras están presentes en coleccións como a do Centro Galego de Arte Contemporánea (CGAC), a Fundación Coca-Cola ou a Colección Testimoni.