Os días 28 e 29 de setembro celébrase na Cidade da Cultura o 73º Congreso da Sociedade Galega de Obstetricia e Xinecoloxía, un encontro de carácter científico dirixido aos profesionais desta especialidade sanitaria na nosa comunidade.
O programa inclúe mesas de debate nas que se abordarán cuestións de actualidade para a profesión e se presentarán, a través de relatorios e comunicacións, algúns dos resultados máis recentes de estudos realizados arredor de temas como as complexidades do parto e da xestación en pacentes con obesidade ou con idade avanzada, ou a anticoncepción, vacinación e as ETS na adolescencia.
No congreso tamén se fará entrega do "Premio Alejandro Novo González" ao mellor traballo realizado en Galicia sobre obstetricia e xinecoloxía.
O programa completo de actividades pode consultarse aquí.
