A directora da Axencia para a Modernización Tecnolóxica de Galicia (Amtega), Mar Pereira, e o director xeral de Defensa do Monte, Tomás Fernández-Couto, inauguran a Xornada de Presentación de Resultados da Iniciativa Primare-Inspeccións Intelixentes Avanzadas.
Primare-Inspeccións Intelixentes Avanzadas é un proxecto que ten como obxectivo dispoñer dunha solución tecnolóxica que permita dispoñer de xeito automatizado de servizos de valor engadido para os axentes do sector agro-gandeiro, mediante o uso de medios tecnolóxicos (en particular mediante o uso de medios aéreos non tripulados, e outros sistemas tecnolóxicos). En particular, dita solución debe proporcionar, entre outros servizos de valor engadido, dos servizos para a realización dos controis de campo asociados ás axudas da Política Agraria Común (PAC) de xeito automatizado mediante os medios antes indicados, aumentado a eficiencia e eficacia destes e reducindo a súa complexidade e custes de realización (polo tanto, o proceso inclúe tanto a obtención de datos, como a súa almacenaxe, o procesamento e análise para a obtención de información, a transformación desa información en servizos e en particular os necesarios para a realización e validación dos controis indicados).
