A  Cidade  do  Futsal, xa na súa VI edición, promocionará o lecer e o fútbol sala ao aire libre nunha fin de semana no que os máis pequenos e as súas familias poderán compartir os valores do deporte na cidade de Santiago de Compostela e gozar da gran oferta de cultural da Cidade da Cultura.

 

O evento, que congregará a máis de 400 xogadores e xogadoras de categorías inferiores de fútbol sala de toda a xeografía galega, festexarase simultaneamente nas tres pistas que se dispoñerán nos espazos exteriores da Cidade da Cultura, organizando ademais o club diferentes accións paralelas de lecer.

 

Con motivo da gran festa do Futsal, o calendario de futbol sala da RFGF correspondente a esa fin de semana queda aprazado co fin de que os equipos poidan acudir. Da mesma forma, os horarios non coincidirán cos de fútbol campo. Desde o Santiago  Futsal agradecemos a  RFGF a súa predisposición para facer deste evento deportivo un gran éxito a nivel de participación.

 

Os equipos estarán formados por 4 xogadores (1 porteiro + 3 xogadores de pista) e cada equipo pode ter un máximo de 1 cambio (é dicir total de 5 xogadores), unha fórmula adaptada ao tamaño das pistas que fai os partidos máis dinámicos e divertidos para participantes e espectadores

 

As categorías participantes serán as de  prebenxamín,  benxamín e alevín e a inscrición poderase realizar  presencialmente nas oficinas do Club ou a través do correo electrónico administracion@santiagofutsal.com.

 

Os partidos disputaranse o sábado pola tarde e  o domingo durante todo o día. Unha vez finalizado o torneo, celebrarase a entrega de trofeos.