Sala de prensa

 
Santiago, 06 de Agosto de 2018
As Nocturnas 2018

A Cidade da Cultura programa para as noites dos venres de final do verán unha descuberta diferente e distendida das grandes exposicións que acolle arestora o Museo Centro Gaiás: Baldomero Pestana, a verdade entre as mans e Galicia Universal. A arte galega nas colección de ABANCA e Afundación.

Santiago, 01 de Agosto de 2018

O ciclo de concertos ao solpor Atardecer no Gaiás continúa nesta calorosa primeira semana de agosto con tres propostas tranquilas e ben diferentes para musicar os xoves, venres e sábados do verán na Cidade da Cultura. O encargado de pórlle banda sonora á primeira das citas deste agosto 2018 será Yuri Méndez, co seu proxecto Pajaro Sunrise. O traballo do cantante, músico, compositor e produtor nado en León oscila entre o pop, o folk e a música electrónica cantada en inglés.

Santiago, 01 de Agosto de 2018

O conselleiro de Cultura, Educación e Ordenación Universitaria, Román Rodríguez, agradeceu hoxe a xenerosidade e altura de miras da familia López López, propietaria do arquivo do Pazo de Pardiñas (Lalín) ao doar este fondo documental ao Arquivo de Galicia, localizado na Cidade da Cultura. O titular do departamento de Cultura da Xunta de Galicia explicou que a decisión permite que este legado arquivístico inédito estea, de hoxe en adiante, a disposición do conxunto dos galegos e, con particular interese, dos investigadores.

Santiago, 31 de Xullo de 2018

O presidente da Xunta, Alberto Núñez Feijóo, subliñou esta mañá que o Bosque de Galicia dota Santiago do maior espazo verde con árbores autóctonas da Galicia atlántica. Coas súas 34 hectáreas, o bosque, que acaba de rematar a súa plantación, multiplica por seis a superficie que ten a alameda da capital galega.

Santiago, 27 de Xullo de 2018

A Biblioteca de Galicia achégase á arte galega do século XX cunha selección de autógrafos da colección ABANCA. Faino a través da exposición temporal As escrituras dos artistas. Autógrafos de pintores galegos na colección ABANCA, que se exhibe desde hoxe e ata o vindeiro 27 de outubro na Cidade da Cultura de Galicia.

Páxinas