O edificio Fontán adxudícase por 2,2 millóns menos do custo previsto

A Xunta vén de adxudicar a construción do Edificio Fontán á UTE formada por Acciona e San José por 14.784.924 euros, cantidade que supón unha rebaixa de 2,2 millóns respecto ao importe de licitación -17 millóns-. As empresas adxudicatarias garanten ademais que estará rematado nun prazo seis meses inferior ao previsto: 24 meses fronte a 30; este rebaixa do tempo permitirá que estea finalizado no último trimestre de 2020 e operativo no 2021, ano do Xacobeo.

Santiago de Compostela, 21 de Outubro de 2018

IV Scratch Day

O vindeiro 20 de outubro terá lugar na Cidade da Cultura o IV Scratch Day, organizado polo CPETIG coa colaboración da Amtega, dirixido a escolares de entre 7 e 15 anos que deben asistir acompañados polos seus pais ou nais. Nesta edición, a rapazada aprenderá a programación dun videoxogo no ordenador.

Smart4wood: Tecnoloxías dixitais para a industria madeireira do futuro

FINSA presenta o 19 de outubro na Cidade da Cultura o seu proxecto Smart4 wood, programa europeo que lidera a compañía madeireira para promover a transformación dixital e tecnolóxica dos procesos produtivos e do resto da cadea de valor do sector.

Robotización tradicional e colaborativa, visión artificial, big data, machine learning... FINSA ten como obxectivo para setembro de 2020 que a industria europea da madeira incorpore de maneira paulatina todos estes conceptos, “experimentando unha revolucionaria deriva cara á transformación dixital e tecnolóxica”.

Curso Ansible - DXC Technology

A empresa DXC Technology, ubicada no Centro de Emprendemento da Cidade da Cultura de Galicia, ofrece ao todos os seus traballadores un curso de ANSIBLE, plataforma de software libre empleada para a configuración, administración e automatización de servidores, aplicacións, servizos e infraestrutura de rede.

O curso desenvolverase en tres xornadas, do martes 9 ao 11 de outubro no Cubículo do CEM.

Galego

O Mundial de Xadrez Cadete trae á Cidade da Cultura a máis de 800 novas promesas deste deporte procedentes de 85 países

A Cidade da Cultura será sede no mes de novembro do Campionato Mundial de Xadrez das categorías sub-8, sub-10 e sub-12, evento que reunirá do 3 ao 16 de novembro a máis de 800 novas promesas deste deporte no Gaiás. Desde a organización do torneo quixeron destacar a elevada participación de países no campionato, a máis numerosa dos tres mundiais da categoría cadete que se teñen celebrando ata agora.

Santiago de Compostela, 15 de Outubro de 2018

Páxinas

Subscribe to Cidade da Cultura RSS