Curso práctico organizado pola Asociación Galega de Mestres de Audición e Linguaxe (AGMAL) dirixido a mestres e mestras, orientadores, e outros profesionais que traballen con nenos e nenas con transtorno por déficit de atención con hiperactividade, TDAH, ou simplemente con problemas importantes de atención.
O curso ofrece recursos e formación aos mestres e mestras que procuran medidas concretas para dar unha resposta axeitada a estes alumnos no día a día na aula. Igualmente diríxese a especialistas en audición e linguaxe, orientadores, pedagogos, psicólogos e outros profesionais que precisan medidas concretas para o asesoramento e intervención directa con cativos con este perfil. Tamén pode ser de interese para familiares de nenos e nenas con TDAH ou estudantes universitarios dos Graos en Psicoloxía, Pedagoxía ou Educación.
A actividade formativa organízase en varios bloques temáticos que inclúen contidos como medidas pedagóxicas e didácticas, orientación sobre as actividades, gestión de problemas de conducta, intervención individual e materiais e recursos pedagóxicos.
O curso consta de 7,5 horas presenciais que se desenvolverán o sábado 9 de xuño na Cidade da Cultura en horario de 9.30 a 14 horas e de 16 a 19 horas. Prezos de inscrición reducidos ata o 9 de maio. Mais información no web da Asociación AGMAL.