Coworking - Tablón

 
Santiago de Compostela, 20 de Outubro de 2018 a Santiago de Compostela, 19 de Xaneiro de 2019

Dirixido a todas aquelas persoas que desexen aprender os fundamentos para mellorar o seu posicionamento en buscadores, mediante a xeración de contidos, a análise de datos e a realización de campañas de publicidade e marketing online. O curso está organizado polo Instituto de Medios Sociales.

Santiago de Compostela, 19 de Outubro de 2018 a Santiago de Compostela, 18 de Xaneiro de 2019

O Instituto de Medios Sociales, empresa ubicada no Centro de Emprendemento da Cidade da Cultura, organiza unha nova edición do seu 'Curso de Experto en Community Management', para todas aquelas persoas que desexen aprender a xestionar correctamente as redes sociais e a súa imaxe de marca en internet.

Santiago de Compostela, 09 de Outubro de 2018 a Santiago de Compostela, 11 de Outubro de 2018

A empresa DXC Technology, ubicada no Centro de Emprendemento da Cidade da Cultura de Galicia, ofrece ao todos os seus traballadores un curso de ANSIBLE, plataforma de software libre empleada para a configuración, administración e automatización de servidores, aplicacións, servizos e infraestrutura de rede.

O curso desenvolverase en tres xornadas, do martes 9 ao 11 de outubro no Cubículo do CEM.

Santiago de Compostela, 04 de Outubro de 2018 a Santiago de Compostela, 22 de Maio de 2019

O fotógrafo Óscar Corral, residente no Coworking do Gaiás, organiza unha nova edición do seu obradoiro de fotografía para principiantes, dirixido a todas aquelas persoas que desexen iniciarse coa cámara. As clases serán os mércores e xoves no Centro de Emprendemento da Cidade da Cultura en horario de 20:30 a 21:30 horas.

Óscar Corral conta con máis de 15 anos de experiencia dedicado de maneira profesional á fotografía, destacando especialmente o seu traballo como fotoxornalista para medios como El País ou EFE, entre outros moitos.

Santiago de Compostela, 04 de Outubro de 2018

O xoves 4 de outubro terá lugar no Centro de Emprendemento da Cidade da Cultura o "Taller para comunicar de forma eficaz", encadrado dentro do programa Galicia Open Future. A sesión está dirixida ás persoas emprendedoras e empresas que participan nesta edición do Galicia Open Future e será impartida por Álvaro Otero, de Atlántica Comunicación, firma especializada en comunicación online e offline, consultoría e xestión das relacións cos medios de comunicación.

Páxinas